Home / سیاست / تبصرہ / سندھ میں سی این جی قیمت میں ساڑھے 3 روپے فی کلو اضافہ

سندھ میں سی این جی قیمت میں ساڑھے 3 روپے فی کلو اضافہ

dawn-newsاسلام آباد: سندھ میں سی این جی کی قیمت مقرر کرنے کا اختیار اسٹیشن مالکان کو حاصل ہونے کے بعد انہوں نے صوبے بھر میں قیمت میں ساڑھے 3 روپے فی کلو تک اضافہ کردیا۔قیمت میں ہونے والے اس اضافے کے بعد کراچی اور اندرون سندھ سی این جی کی قیمت 71 روپے فی کلو تک پہنچ گئی۔

Burning hot blue yellow fire flames from a stove for cooking in a kitchen
Burning hot blue yellow fire flames from a stove for cooking in a kitchen

یاد رہے کہ ایک ہفتہ قبل ہی سندھ میں سی این جی کی قیمت مقرر کرنے کا اختیار سی این جی مالکان کو دیا گیا تھا، جس کے بعد سی این جی کی قیمت میں کسی بھی ردوبدل کے لیے مالکان کو آئل ایند گیس ریگولیٹری اتھارٹی (اوگرا) کی جانب سے کسی اعلامیے کی ضرورت نہیں رہی۔

پنجاب میں سی این جی کا شعبہ پہلے ہی ڈی ریگولیٹ کیا جاچکا تھا جس کے بعد سندھ اور خیبرپختونخوا میں بھی سی این جی مالکان کو نئی قیمتوں کے تعین کے ساتھ اپنے منافع میں اضافے کا اختیار سونپ دیا گیا۔

سی این جی اسٹیشن مالکان کہتے ہیں کہ یہ اضافہ منافع بڑھانے کے لیے کیا گیا ہے۔

یہ بھی پڑھیں: سی این جی قیمت مقرر کرنے کا اختیار مالکان کو دے دیا گیا

واضح رہے کہ قیمتوں میں اضافے کے اختیار کے فیصلے کے وقت سی این جی مالکان کی جانب سے حکومت کو اس بات کی یقین دہانی کرائی گئی تھی کہ سی این جی کی قیمت کو پٹرول کی قیمت سے 30 فیصد سستا رکھا جائے گا۔

سی این جی مالکان کی جانب سے کافی عرصے سے یہ دعویٰ کیا جارہا تھا کہ انہیں کئی حوالوں سے مشکلات کا سامنا ہے اور ان کے منافع کا مارجن بہت کم ہے۔

حالیہ اضافے کے بعد سی این جی کی قیمت میں 2 روپے 50 پیسے سے 3 روپے 50 پیسے کا اضافہ کیا گیا ہے جس کے بعد مالکان اپنی سروس کو سامنے رکھتے ہوئے قیمت وصول کریں گے۔

سی این جی مالکان کے مطابق دوسرے مرحلے میں خیبرپختونخوا اور بلوچستان میں بھی سی این جی کی قیمت میں اضافہ کیا جائے گا، خیبرپختونخوا اور بلوچستان کے مالکان ایف بی آر سے معاملات طے کرنے میں مصروف ہیں جس کے بعد نئی قیمتوں کا اعلان کیا جائے گا، بالخصوص 1 جنوری 2017 میں پٹرول کی نئی قیمت سامنے آنے کے بعد کے پی اور بلوچستان میں سی این جی کی قیمتوں میں اضافے کا امکان ظاہر کیا جارہا ہے۔

About admin

Check Also

کل بھوشن کی بیوی 2ماہ سے لا پتہ

پاکستان میں سزائے موت کے منتظر بھارتی خفیہ ادارے ’’را‘‘کے ایجنٹ کلبھوشن کی بیوی جسے …

Leave a Reply

Your email address will not be published. Required fields are marked *

Translate »
error: Content is protected !!